Confermata l’estensione a tutto il mese di novembre delle indulgenze plenarie per i defunti

DECRETUM

paenitentiaria apostolica , attentis precibus a compluribus Sacris Pastoribus nuper porrectis, omnia et singula spiritalia beneficia die xxii Octobris mmxx rite concessa, per Decretum Prot. N. 791/20/ i quo, propter pandemiam morbi “covid 19”, Indulgentiae plenariae pro fidelibus defunctis totum prorogabantur per mensem Novembrem mmxx , vertente anno, propter perdurantem pandemiam, confirmat et totum prorogat per mensem Novembrem mmxxi ut christianus pupulus in tuto sit.

Profecto ex prorogata largitate Ecclesiae christifideles haurient pia proposita et spiritale robur vitae ad legem Evangelicam traducendae, in hierarchica communione et filiali devotione erga Summum Pontificem, Catholicae Ecclesiae visibile fundamentum et proprium sacrorum Antistitem.

Praesenti totum per mensem Novembrem valituro. Contrariis quibuscumque minime obstantibus.

Datum Romae, ex aedibus Paenitentiariae Apostolicae, die xxvii mensis Octobris, anno Dominicae Incarnationis mmxxi .

Maurus Card. Piacenza
Paenitentiarius Maior

Christophorus Nykiel
Regens